കേരളത്തിലെ സര്ക്കാര് ജീവനക്കാര് ഒന്നിടവിട്ട ദിവസങ്ങളില് ജോലിക്ക് എത്തിയാല് മതി: ശനിയാഴ്ചകളില് അവധി
തിരുവനന്തപുരം: സര്ക്കാര് ജീവനക്കാര്ക്ക് നിയന്ത്രണം. ഓഫീസില് ജീവനക്കാരുടെ എണ്ണം പകുതിയാക്കും. ഓരോ ദിവസവും പകുതി ജീവനക്കാര് ഓഫീസില് എത്തിയാല് മതിയെന്നാണ് നിര്ദേശം. ഇതുസംബന്ധിച്ച ഉത്തരവില് മുഖ്യമന്ത്രി ഒപ്പുവെച്ചു. കോവിഡ് വ്യാപനത്തിന്രെ പശ്ചാത്തലത്തിലാണ് പുതിയ ഉത്തരവ്.
കൂടാതെ ജീവനക്കാര്ക്ക് മാര്ച്ച് 31 വരെ ശനിയാഴ്ചകളില്(നാളെ ഉള്പ്പെടെ) അവധി പ്രഖ്യാപിച്ചു. ഗ്രൂപ്പ് സി, ഡി ജീവനക്കാര് ഒന്നിടവിട്ട ദിവസങ്ങളില് ജോലിക്ക് ഹാജരായാല് മതിയെന്നും നിര്ദേശമുണ്ട്. ഓഫീസിലെത്താത്ത ദിവസങ്ങളില് വീട്ടിലിരുന്ന് ജോലി ചെയ്യണം. ഇതുമായി ബന്ധപ്പെട്ട ഉത്തരവില് മുഖ്യമന്ത്രി ഒപ്പിട്ടു.
കൊറോണഭീതിയുടെ പശ്ചാത്തലത്തില് കേന്ദ്രസര്ക്കാര് ജീവനക്കാര്ക്ക് കേന്ദ്രം ഇളവുകള് നല്കിയിരുന്നു. ഇതിനു സമാനമായ നടപടിയാണ് സംസ്ഥാന സര്ക്കാരും കൈക്കൊണ്ടിരിക്കുന്നത്.
ഇതിന്പ്രകാരം മാര്ച്ച് 31വരെയുള്ള എല്ലാ ശനിയാഴ്ചകളിലും സര്ക്കാര് ജീവനക്കാര്ക്ക് അവധിയായിരിക്കും. അതായത് ഈ ദിവസങ്ങളില് സര്ക്കാര് ഓഫീസുകള് പ്രവര്ത്തിക്കുകയില്ല.