ഗവര്‍ണര്‍ക്കെതിരെ വിദ്യാര്‍ത്ഥി പ്രതിഷേധത്തിന് സാധ്യത; നടപടി കര്‍ശനമാകുമെന്ന് പൊലീസ്

കണ്ണൂര്‍: ഗവര്‍ണര്‍ ആരിഫ് മുഹമ്മദ് ഖാനെതിരെ വിദ്യാര്‍ത്ഥി സംഘടനകള്‍ പ്രതിഷേധം ഉയര്‍ത്താന്‍ സാധ്യതയുള്ളതായി റിപ്പോര്‍ട്ടുകള്‍. ദേശീയ ചരിത്ര കോണ്‍ഗ്രസില്‍ പങ്കെടുക്കാന്‍ കണ്ണൂരിലെത്തിയിരിക്കുകയാണ് അദ്ദേഹം.

പൗരത്വ ഭേദഗതി ബില്ലിനെ പരസ്യമായി അനുകൂലിച്ച്‌ പ്രസ്താവന നടത്തിയ ഗവര്‍ണര്‍ക്കെതിരെ ശക്തമായി പ്രതിഷേധിക്കുമെന്ന് വിവിധ സംഘടന നേതാക്കള്‍ അറിയിച്ചിട്ടുണ്ട്.

അതേസമയം വിദ്യാര്‍ത്ഥികളുടെ പ്രതിഷേധം മുന്നില്‍ കണ്ട് നേരത്തെ തന്നെ ജില്ലാ പൊലീസ് മേധാവി കുട്ടികള്‍ക്ക് താക്കീത് നല്‍കിയിട്ടുണ്ട്. വിദ്യാര്‍ത്ഥികള്‍ നിയമ ലംഘിക്കുകയോ അക്രമങ്ങള്‍ അഴിച്ചുവിടുകയോ ചെയ്താല്‍ നേതാക്കള്‍ ഉത്തരവാദികളാകുമെന്നും കര്‍ശന നിയമ നടപടി സ്വീകരിക്കുമെന്നുമാണ് പൊലീസ് നിലപാട്.
അതേസമയം ഗവര്‍ണര്‍ പങ്കെടുക്കുന്നതില്‍ പ്രതിഷേധിച്ച്‌ കെ സുധാകരന്‍ എംപിയും കണ്ണൂര്‍ കോര്‍പ്പറേഷന്‍ മേയറും ചരിത്ര കോണ്‍ഗ്രസില്‍ നിന്ന് വിട്ട് നില്‍ക്കും.

Leave a Reply

This site uses Akismet to reduce spam. Learn how your comment data is processed.

error: Content is protected !!
%d bloggers like this: