മന്ത്രി എം.വി. ഗോവിന്ദന്റെ കാർ അപകടത്തിൽപെട്ടു
കണ്ണൂർ: മന്ത്രി എം.വി. ഗോവിന്ദന്റെ ഔദ്യോഗികകാർ കണ്ണൂരിൽ നിയന്ത്രണംവിട്ട് ഡിവൈഡറിലേക്ക് ഇടിച്ചുകയറി. മന്ത്രി പരിക്കേൽക്കാതെ രക്ഷപ്പെട്ടു.
ഞായറാഴ്ച രാത്രി 10ഓടെ ദേശീയപാതയിൽ കണ്ണൂർ തളാപ്പ് ചെട്ടിപ്പീടികക്കടുത്തായിരുന്നു അപകടം. മഴയെ തുടർന്ന് കാർ തെന്നിപ്പോയതാണ് അപകടത്തിന് കാരണമെന്ന് കരുതുന്നു. മന്ത്രി ഉടൻ മറ്റൊരു വാഹനത്തിൽ ഗെസ്റ്റ് ഹൗസിലേക്ക് പോയി.