പറന്നുയര്ന്നു കണ്ണൂർ : വിമാനത്താവളം നാടിന് സമര്പ്പിച്ചു
കണ്ണൂര്: കണ്ണൂര് അന്താരാഷ്ട്ര വിമാനത്താവളത്തില് നിന്ന് ആദ്യ വിമാനം അബുദാബിയിലേക്ക് ജീവനക്കാരുള്പ്പെടെ 185 യാത്രക്കാരുമായി പറന്നുയര്ന്നു.. മുഖ്യമന്ത്രി പിണറായി വിജയനും കേന്ദ്ര വ്യോമയാന മന്ത്രി സുരേഷ് പ്രഭുവും ചേർന്നാണ് വിമാനത്താവളം ഉദ്ഘാടനം നിര്വഹിച്ചത്. ഒമ്പതരയ്ക്ക് ഡിപ്പാർച്ചർ ഹാളിൽ നിലവിളക്ക് കൊളുത്തിയ ശേഷം ഇരുവരും ചേർന്ന് ആദ്യ വിമാനം ഫ്ലാഗ് ഓഫ് ചെയ്തു. മുൻ മുഖ്യമന്ത്രിമാരായ വി എസ് അച്യുതാനന്ദനേയും ഉമ്മൻചാണ്ടിയേും ചടങ്ങിലേക്ക് ക്ഷണിക്കാത്തതിൽ പ്രതിഷേധിച്ച് പ്രതിപക്ഷം ഉദ്ഘാടനം ബഹിഷ്കരിച്ചു.. 185 പേരാണ് എയര് ഇന്ത്യ എക്സ്പ്രസിന്റെ ബോയിങ് 737 വിമാനത്തിലുള്ളത്. ഇന്ന് വൈകീട്ട് തന്നെ ഈ വിമാനം കണ്ണൂരില് തിരിച്ചെത്തും. നാളെ മുതല് കൃത്യമായ സമയക്രമം അനുസരിച്ച് വിമാനം സര്വീസ് നടത്തും. രാവിലെ 11 മണിയോടെ ബെഗളൂരുവില് നിന്നുള്ള ഗോ എയര് വിമാനം കണ്ണൂരിലെത്തും. ഗോ എയര് വിമാനങ്ങളും, ഇന്ഡിഗോ വിമാനങ്ങളും കണ്ണൂരില് നിന്നുള്ള ആഭ്യന്തര സേവനങ്ങള് ആരംഭിക്കും.