നാളെ കേരളത്തിൽ വിദ്യാഭ്യാസബന്ദിന് എബിവിപി ആഹ്വാനം
തിരുവനന്തപുരം: എബിവിപി സെക്രട്ടറിയേറ്റ് മാർച്ചിന് നേരെ നടന്ന പോലീസ് ലാത്തിച്ചാര്ജില് പ്രതിഷേധിച്ച് നാളെ കേരളത്തിൽ വിദ്യാഭ്യാസബന്ദിന് എബിവിപി സംസ്ഥാന അധ്യക്ഷൻ പ്രിന്റു മഹാദേവ് ആഹ്വാനംചെയ്തു. ഖാദര് കമ്മിറ്റി റിപ്പോര്ട്ട് നടപ്പാക്കാനുള്ള സര്ക്കാര് തീരുമാനത്തില് പ്രതിഷേധിച്ച് എബിവിപി പ്രവര്ത്തകര് നടത്തിയ സെക്രട്ടറിയേറ്റ് മാര്ച്ചിന് നേരെ പോലീസ് ലാത്തി വീശിയിരുന്നു. സമരഗേറ്റിന് മുന്നില് എബിവിപി പ്രവര്ത്തകരും പോലീസും തമ്മില് ഉന്തും തള്ളുംഉണ്ടായതിനെ തുടര്ന്നാണ് പോലീസ് ലാത്തി വീശിയത്. കൂടാതെ പ്രവര്ത്തകര്ക്ക് നേരെ പോലീസ് ജലപീരങ്കിയും കണ്ണീര് വാതകവും പ്രയോഗിച്ചു.