കൊവിഡ് വാക്‌സിനേഷന്‍ മെഗാ ക്യാമ്പിന് കണ്ണൂര്‍ ജില്ലയില്‍ തുടക്കം

കൊവിഡ് വാക്‌സിനേഷന്‍ മെഗാ ക്യാമ്പിന് ജില്ലയില്‍ തുടക്കമായി. കണ്ണൂര്‍, പയ്യന്നൂര്‍ എന്നിവിടങ്ങളിലായി ജില്ലയില്‍ 1000 ത്തോളം പേര്‍ തിങ്കളാഴ്ച വാക്‌സിന്‍ സ്വീകരിച്ചു. കണ്ണൂര്‍ ജൂബിലി ഓഡിറ്റോറിയം, പയ്യന്നൂര്‍ എ കുഞ്ഞിരാമന്‍ അടിയോടി സ്മാരക ഗവണ്‍മെന്റ് വൊക്കേഷണല്‍ ഹയര്‍സെക്കണ്ടറി സ്‌കൂള്‍ എന്നിവിടങ്ങളിലാണ് ക്യാമ്പ് നടക്കുന്നത്. രാവിലെ 9.30 മുതല്‍ നാല്  മണി വരെയാണ് പ്രവര്‍ത്തന സമയം. തിങ്കള്‍ മുതല്‍ ശനിവരെ ആഴ്ചയില്‍ ആറു ദിവസമാണ് ക്യാമ്പ് പ്രവര്‍ത്തിക്കുന്നത്. ഓരോ സെന്ററിലും ഒരു ഡോക്ടര്‍, നാല് നഴ്‌സ,് ഒരു പബ്ലിക് ഹെല്‍ത്ത് നഴ്‌സ,് ഒരു ഹെല്‍ത്ത് ഇന്‍സ്‌പെകടര്‍ എന്നിവര്‍ ഉള്‍പ്പെടെ 27 ജീവനക്കാരാണ് ഉള്ളത്.  കണ്ണൂരിലെ ക്യാമ്പിന്റെ നോഡല്‍ ഓഫീസര്‍ ഡോ. കെ സി സച്ചിനും പയ്യന്നൂരിലേത്  ഡോ. സുനിതയുമാണ്.
നിലവില്‍ അറുപത് വയസ്സിനു മുകളില്‍ പ്രായം ഉള്ളവര്‍ക്കും 45 വയസ്സിനു മുകളില്‍ പ്രായമുള്ള മാരക അസുഖങ്ങള്‍ ഉള്ളവര്‍ക്കും ഡോക്ടറുടെ സര്‍ട്ടിഫിക്കറ്റോടു കൂടിയുമാണ് വാക്‌സിന്‍ നല്‍കുന്നത്. ജില്ലാ ഭരണകൂടം, കണ്ണൂര്‍ കോര്‍പ്പറേഷന്‍ എന്നിവയുടെ മേല്‍ നോട്ടത്തില്‍ ജില്ലയിലെ വിവിധ സ്വകാര്യ ആശുപത്രികളുടെ സഹകരണത്തോടെയാണ് ആരോഗ്യ വകുപ്പ് ക്യാമ്പ് സംഘടിപ്പിച്ചിരിക്കുന്നത്. www.cowin.gov.in വഴി രജിസ്റ്റര്‍ ചെയ്‌തോ ക്യാമ്പില്‍ നേരിട്ട് എത്തി രജിസ്റ്റര്‍ ചെയ്‌തോ വാക്‌സിന്‍ സ്വീകരിക്കാം.

Leave a Reply

This site uses Akismet to reduce spam. Learn how your comment data is processed.

%d bloggers like this: