എംഎ യൂസുഫ് അലിക്ക് എംജി സര്വകലാശാലയുടെ ഡോക്ടറേറ്റ്
പ്രമുഖ വ്യവസായി എംഎ യൂസുഫലിക്ക് എംജി സര്വകലാശാലയുടെ ഓണററി ഡോക്ടറേറ്റ് നല്കി ആദരിക്കുമെന്ന് വൈസ് ചാന്സിലര് പ്രൊഫസര് സാബു തോമസ് വാര്ത്താസമ്മേളനത്തില് അറിയിച്ചു. അതോടൊപ്പം സാഹിത്യകാരന് ടി പത്മനാഭനും യൂണിവേഴ്സിറ്റി ഡോക്ടറേറ്റ് നല്കി ആദരിക്കുന്നതായിരിക്കും. വ്യവസായ വ്യാപാര രംഗങ്ങളിലെ മികച്ച സംഭാവനകള്ക്കുള്ള അംഗീകാരമായാണ് എംഎ യൂസുഫലിക്ക് ആദരം അര്പ്പിക്കുന്നത്. വ്യാഴാഴ്ച പകല് യൂണിവേഴ്സിറ്റി അസംബ്ലി ഹാളില് ചേരുന്ന സമ്മേളനത്തില് ഗവര്ണര് ഡി. ലിറ്റ് കൈമാറും.