ചേലേരി ഗവ. മാപ്പിള എൽ.പി സ്കൂൾ നൂറാം വാർഷികത്തിന് തുടക്കമായി
ചേലേരി : ചേലേരി ഗവ. എൽ.പി സ്കൂൾ നൂറാം വാർഷികത്തിന് പ്രൗഢോജ്വല തുടക്കം. അമ്പതിലധികം പരിപാടികളുമായിമായി ഒരു വർഷം നീണ്ടു നിൽക്കുന്ന നൂറാം വാർഷികത്തിൻ്റെ ഔപചാരിക ഉദ്ഘാടനം ശ്രീമതി ടീച്ചർ എം.പി നിർവ്വഹിച്ചു. കൊളച്ചേരി പഞ്ചായത്ത് പ്രസിഡണ്ട് കെ താഹിറ അധ്യക്ഷയായി. കണ്ണൂർ ബ്ലോക് മെമ്പർ കെ.വി ശക്കീൽ, എടക്കാട് ബ്ലോക് മെമ്പർമാരായ കെ പത്മിനി ടീച്ചർ, കെ അനിൽ കുമാർ, വാർഡ് മെമ്പർ ഫൗസിയ കെ.സി.പി , ശാഹുൽ ഹമീദ്, ശശിധരൻ മാസ്റ്റർ, അഡ്വ. അബ്ദുൾ കരീം ചേലേരി , അബ്ദുൾ ലത്തീഫ് ടി , മുഹമ്മദ് കുട്ടി മാസ്റ്റർ , സദാദ് മാസ്റ്റർ , രാജീവൻ മാസ്റ്റർ , നൗഷാദ് മാസ്റ്റർ , ജുനൈദ് , മുഹമ്മദ് കുഞ്ഞി സംസാരിച്ചു. എൽ.എസ്.എസ്, എസ്.എസ്.എൽ.സി വിജയികളെ ഉപഹാരം നൽകി അനുമോദിച്ചു. നിസാർ കടമ്പേരി & പാർട്ടി അവതരിപ്പിച്ച വിസ്മയിപ്പിക്കുന്ന മാജിക് ഷോ ഉദ്ഘാടന പരിപാടിക്ക് കൊഴുപ്പേകി.
