ലോക എയ്ഡ്സ് ദിനാചരണം: ജില്ലയിൽ വിവിധ പരിപാടികൾ

ഡിസംബർ ഒന്ന് ലോക എയ്ഡ്സ് ദിനത്തോടനുബന്ധിച്ച് കണ്ണൂരിൽ വിവിധ പരിപാടികൾ സംഘടിപ്പിക്കും. ആരോഗ്യ വകുപ്പിന്റെ നേതൃത്വത്തിൽ വിവിധ സന്നദ്ധ സംഘടനകളുടെ സഹകരണത്തോടെയാണ് പരിപാടികൾ. നവംബർ 30ന് വൈകിട്ട് ആറ് മണിക്ക് ജില്ലാ ലൈബ്രറി ഹാളിൽ ദിനാചരണത്തിന് ദീപം തെളിയിക്കും. ഡിസംബർ ഒന്നിന് രാവിലെ 10 മണിക്ക് കണ്ണൂർ റെയിൽവേ സ്റ്റേഷനിൽ സന്നദ്ധ സംഘടനകളായ ചോല, ബി ഡി കെ എന്നിവരുടെ നേതൃത്വത്തിൽ രക്തദാന ക്യാമ്പും എയ്ഡ്സ് ബോധവൽക്കരണ പ്രദർശനവും തോട്ടട പോളി ടെക്നിക്കിൽ ബോധവൽക്കരണ ക്ലാസും നടത്തും. വൈകീട്ട് നാല് മണിക്ക് ജില്ലാ മെഡിക്കൽ ഓഫീസ് കേന്ദ്രീകരിച്ച് ബോധവൽക്കരണ റാലിയും നടക്കും.
ദിനാചരണത്തോടനുബന്ധിച്ച് നടന്ന യോഗത്തിൽ എഡിഎം ഇ മുഹമ്മദ് യൂസഫ് അധ്യക്ഷനായി. ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മറ്റി ചെയർപേഴ്‌സൺ ടി ടി റംല, ജില്ലാ മെഡിക്കൽ ഓഫീസർ ഡോ.കെ നാരായണ നായക്, നോഡൽ ഓഫീസർ ഡോ.എം എസ് പത്മനാഭൻ, വിവിധ വകുപ്പ് മേധാവികൾ തുടങ്ങിയവർ പങ്കെടുത്തു.

Leave a Reply

This site uses Akismet to reduce spam. Learn how your comment data is processed.

%d bloggers like this: