നൂറ് കോടി തട്ടിപ്പ്: യുവാവിനെ തട്ടികൊണ്ടു പോയിമോചനദ്രവ്യം ആവശ്യപ്പെട്ട് അജ്ഞാത കേന്ദ്രത്തിൽ പാർപ്പിച്ച് മർദ്ദിച്ച അഞ്ച് പേർ അറസ്റ്റിൽ

തളിപ്പറമ്പ്. തളിപ്പറമ്പ് ടൗൺ കേന്ദ്രീകരിച്ച്ഉന്നതരും സ്ത്രീകളും ഉൾപ്പെടെയുള്ളവരുടെനൂറ് കോടിയോളം തട്ടിയെടുത്ത് മുങ്ങിയ യുവാവിൻ്റെ കൂട്ടാളിയെ മോചനദ്രവ്യമാവശ്യപ്പെട്ട് ടൗണിലെ അജ്ഞാത കേന്ദ്രത്തിലേക്ക് തട്ടിക്കൊണ്ട് പോയി മർദ്ദിച്ച ശേഷം ബന്ധു വീടിന് സമീപം തള്ളിയ അഞ്ച് പേർ അറസ്റ്റിൽ. തളിപ്പറമ്പ സി .എച്ച്. റോഡിലെ ഫ്രൂട്സ് വ്യാപാരിചുള്ളിയോടൻ പുതിയപുരയിൽ ഇബ്രാഹിം (30), കുറുമാത്തൂർ വെള്ളാരംപാറയിലെ ഫ്രൂട്ട്സ് വ്യാപാരി ആയിഷാസിൽ മുഹമ്മദ് സുനീർ (28), തളിപ്പറമ്പ കാക്കത്തോട് സ്വദേശി ഡ്രൈവറായപാറപ്പുറത്ത് മൂപ്പൻ്റകത്ത് മുഹമ്മദ് ഷാക്കീർ (31), യത്തീംഖാനക്ക് സമീപത്തെ കോൺട്രാക്ടർ കൊമ്മച്ചി പുതിയപുരയിൽ ഇബ്രാഹിം കുട്ടി (35), ഡ്രൈവറായമന്ന സ്വദേശികായക്കൂൽ മുഹമ്മദ് അഷറഫ് (43)
എന്നിവരെയാണ് ഡി.വൈ.എസ്.പി. എം.പി. വിനോദിൻ്റെ നേതൃത്വത്തിൽ, ഇൻസ്പെക്ടർ ഏ.വി. ദിനേശനും സംഘവും അറസ്റ്റ്ചെയ്തത്. പ്രതികളെ വൈദ്യ പരിശോധനക്ക് ശേഷം കോടതിയിൽ ഹാജരാക്കി.

നൂറ് കോടി നിക്ഷേപ തട്ടിപ്പിന് നേതൃത്വം നൽകിയ ചപ്പാരപ്പടവിലെ മുഹമ്മദ് അബിനാസിൻ്റെ കൂട്ടാളി മഴൂരിലെ പി.കെ.സുഹൈറിനെ (26)യാണ് സംഘം മോചനദ്രവ്യം ആവശ്യപ്പെട്ട് തട്ടിക്കൊണ്ടുപോയി മർദ്ദിച്ചത്.സംഘത്തിലെ പലരിൽ നിന്നും രണ്ട് ലക്ഷം മുതൽ 5 ലക്ഷം രൂപ വരെ തട്ടിപ്പ് സംഘം കൈപറ്റിയതായി പോലീസിന് വിവരം ലഭിച്ചിട്ടുണ്ടെങ്കിലും തട്ടികൊണ്ടു പോയതിനെ കുറിച്ചോ പണം നഷ്ടപ്പെട്ടതിനെ കുറിച്ചോ പോലീസിൽ ആരും പരാതിപ്പെടാത്തത് അന്വേഷണത്തിന് തടസമായിട്ടുണ്ട്.

സുഹൈറിൻ്റെ മാതാവ് ആത്തിക്കയാണ് മകനെ ഈ മാസം 23 മുതൽ കാണാനില്ലെന്ന് കഴിഞ്ഞ ദിവസം തളിപ്പറമ്പ് പോലീസിൽപരാതി നൽകിയതോടെയാണ് കോടികളുടെ സാമ്പത്തിക തട്ടിപ്പ് നടത്തി മുങ്ങിയസംഘത്തെ കുറിച്ച് പോലീസിനും വിവരം ലഭിക്കുന്നത്.പോലീസ് അന്വേഷണത്തിൽ സുഹൈറിനെ സഹോദരിയുടെ ആലക്കോട് തടിക്കടവിലെ വീട്ടിൽ നിന്നും രാത്രിയോടെകസ്റ്റഡിയിൽ എടുത്തപ്പോഴാണ് തട്ടിക്കൊണ്ട് പോകലിന് പിന്നിൽ പ്രവർത്തിച്ച സംഘത്തെ കുറിച്ച് വിവരം ലഭിച്ചത്.തുടർന്ന് പ്രതികളെ കസ്റ്റഡിയിലെടുക്കുകയായിരുന്നു.

Leave a Reply

This site uses Akismet to reduce spam. Learn how your comment data is processed.

%d bloggers like this: