ജില്ലയിലെ പെട്രോള്‍ പമ്പ് തൊഴിലാളികളുടെ ബോണസ്  തര്‍ക്കം ഒത്തുതീര്‍ന്നു

ജില്ലയിലെ പെട്രോള്‍ പമ്പ് തൊഴിലാളികളുടെ 2018-19 വര്‍ഷത്തെ ബോണസ്  തര്‍ക്കം ജില്ലാ ലേബര്‍ ഓഫീസര്‍ ടി വി സുരേന്ദ്രന്റെ സാന്നിധ്യത്തില്‍ നടന്ന അനുരഞ്ജന ചര്‍ച്ചയില്‍ ഒത്തുതീര്‍ന്നു.  വ്യവസ്ഥയനുസരിച്ച് പെട്രോള്‍ പമ്പ് തൊഴിലാളികള്‍ക്ക് ബോണസ്സ് ആക്ട് പ്രകാരം 7,000 രൂപ പരിധിക്കു വിധേയമായി വേതനത്തിന്റെ 181/2 ശതമാനം ബോണസായി  നല്‍കാമെന്ന് തൊഴിലുടമാ പ്രതിനിധികള്‍ സമ്മതിച്ചു. ബോണസ് തുക മുഴുവന്‍ തൊഴിലാളികള്‍ക്കും ഏപ്രില്‍ അഞ്ചിന് തന്നെ വിതരണം ചെയ്യുന്നതാണെന്നും  ഉടമാപ്രതിനിധികള്‍ അറിയിച്ചു.  ചര്‍ച്ചയില്‍ മാനേജ്‌മെന്റിനെ പ്രതിനിധീകരിച്ച്  ജില്ലാ പെട്രോളിയം ഡീലേര്‍സ് അസോസിയേഷന്‍ പ്രസിഡണ്ട് ഇ എം ശശീന്ദ്രന്‍, സെക്രട്ടറി കെ വി രാമചന്ദ്രന്‍, കെ ഹരീന്ദ്രന്‍, എം ആര്‍ രാജന്‍ എന്നിവരും യൂണിയനുകളെ പ്രതിനിധീകരിച്ച് സി കെ പി പത്മനാഭന്‍, എ പ്രേമരാജന്‍, പി ചന്ദ്രന്‍, പി രാജന്‍, പി കൃഷ്ണന്‍, പി പി കൃഷ്ണന്‍, എം വേണുഗോപാല്‍ എന്നിവരും പങ്കെടുത്തു.

Leave a Reply

This site uses Akismet to reduce spam. Learn how your comment data is processed.

%d bloggers like this: