കണ്ണൂരിൽ ഒന്നാം ഡോസ് വാക്സീനെടുക്കുന്നവർ ടെസ്റ്റ് എടുക്കണ്ട, കളക്ടർ ഉത്തരവ് തിരുത്തി

കണ്ണൂർ: കണ്ണൂ‍ർ ജില്ലയിൽ ഒന്നാം ഡോസ് വാക്സിനെടുക്കുന്നവ‍ർ കൊവിഡ് പരിശോധന നടത്തണമെന്ന കളക്ടറുടെ ഉത്തരവ് പിൻവലിച്ചു. നാളെ തീരുമാനം നടപ്പാക്കാനിരിക്കെ പൊതുജനങ്ങൾക്കിടയിൽ കടുത്ത അമ‍ർഷം പുകയുന്ന പശ്ചാത്തലത്തിലാണ് ഉത്തരവ് പിൻവലിച്ചത്. ഉത്തരവ് നടപ്പാക്കരുതെന്ന് കണ്ണൂർ ജില്ലാ പഞ്ചായത്ത് പ്രസിഡന്‍റ് പി പി ദിവ്യ പരസ്യമായി ആവശ്യപ്പെട്ടിരുന്നു. കളക്ടറുടെ തീരുമാനം അപ്രായോഗികം എന്നാണ് ഡിഎംഒയുടെയും നിലപാട്. വാക്സീൻ കേന്ദ്രത്തിൽ തന്നെ ആന്‍റിജൻ ടെസ്റ്റ് നടത്താനുള്ള സൗകര്യം ഒരുക്കും എന്ന പ്രഖ്യാപനം നടപ്പാക്കാനുള്ള ആരോഗ്യപ്രവ‍ർത്തകരോ അടിസ്ഥാന സൗകര്യങ്ങളോ കണ്ണൂർ ജില്ലയിൽ നിലവിലില്ല. 

ഇന്ന് ചേരുന്ന അവലോകന യോഗത്തിലാണ് ഉത്തരവ് പിൻവലിക്കാൻ തീരുമാനമെടുത്തത്.  ഉത്തരവിനെ ആരോഗ്യമന്ത്രി തള്ളിപ്പറഞ്ഞില്ല എന്നത് തൽക്കാലം കളക്ടർക്ക് പിടിവള്ളിയാണ്. കാസർകോട്ട് തീരുമാനം ഇന്നലെ മുതൽ നടപ്പാക്കി തുടങ്ങിയെങ്കിലും വലിയ പ്രതിഷേധം ഉയ‍ർന്നുവന്നിട്ടില്ല. പക്ഷേ നാട്ടുകാരെ ആകെ ബുദ്ധിമുട്ടിക്കുന്ന നടപടിയാണിതെന്നാണ് ഈ രണ്ട് ജില്ലകളിലെയും പൊതുവികാരം. 

Leave a Reply

This site uses Akismet to reduce spam. Learn how your comment data is processed.

%d bloggers like this: