എ ആര്‍ ക്യാമ്പിലെ പൊലീസുകാരന്റെ മരണം; ഗുരുതര ആരോപണവുമായി ഭാര്യ
പാലക്കാട് കല്ലേക്കാട് എആര്‍ ക്യാമ്പിലെ പൊലീസുകാരന്റെ മരണത്തില്‍ ഗുരുതര ആരോപണവുമായി ഭാര്യയും ബന്ധുക്കളും. ആദിവാസിയായതിനാല്‍ പൊലീസ് ക്യാമ്ബില്‍ ജാതി വിവേചനം അനുഭവിച്ചിരുന്നു എന്നാണ് മരിച്ച കുമാറിന്റെ ഭാര്യയുടെ ആരോപണം.ഉന്നത ഉദ്യോഗസ്ഥര്‍ മാനസികമായി ഉപദ്രവിക്കുകയും അധിക ജോലി ചെയ്യിക്കുകയും ചെയ്തിരുന്നു.ക്വാര്‍ട്ടേഴ്‌സികത്തും പീഡനത്തിന് വിധേയനായിരുന്നു എന്ന് കുമാര്‍ പറഞ്ഞിരുന്നു എന്നാണ് ഭാര്യയും ബന്ധുക്കളും പറയുന്നത്.വിശദമായ അന്വേഷണം ആവശ്യപ്പെട്ട് മുഖ്യമന്ത്രിയ്ക്ക് പരാതി നല്‍കുമെന്നും ഭാര്യ പറഞ്ഞു. രണ്ട് ദിവസം മുമ്ബാണ് കുമാര്‍ ട്രെയിനില്‍ നിന്ന് വീണ് മരിച്ചത്.
