കഴിഞ്ഞ ദിവസം വടകരയിൽ അപകടത്തിൽ മരിച്ച യുവാക്കളുടെ കുടുംബങ്ങൾക്കു ധനസഹായം
ന്യൂമാഹി: കഴിഞ്ഞ ദിവസം വടകരയിൽ വാഹനാപകടത്തിൽ മരണപ്പെട്ട പുന്നോൽ കുറിച്ചിയിലെ നാല് യുവാക്കളുടെ കുടുംബങ്ങൾക്കു ധനസഹായം നൽകാൻ നടപടി. മരണപ്പെട്ട മുഹമ്മദ് അനസ്, മുഹമ്മദ് സഹീർ, നിഹാൽ, മുഹമ്മദ് തലത്ത് ഇഖ്ബാൽ എന്നിവരുടെ വീടുകളിൽ തലശരി സബ് കളക്ടർ എസ്.ചന്ദ്രശേഖർ, തലശേരി തഹസിൽദാർ ടി.വി.രഞ്ചിത്ത്, ന്യൂമാഹി വില്ലേജ് അസിസ്റ്റന്റ് ജിതാനന്ദൻ എന്നിവർ കഴിഞ്ഞ ദിവസം സന്ദർശിച്ചിരുന്നു. മുഖ്യമന്ത്രിയുടെ ദുരിതാശ്വാസ നിധിയിൽ നിന്നുള്ള ധനസഹായം ഒരു ലക്ഷം രൂപ വീതം നാലു കുടുംബങ്ങൾക്കും ലഭിക്കുന്നതിന് ആവശ്യമായ നടപടികൾ സ്വീകരിക്കുമെന്നു തലശേരി തഹസിൽദാർ ടി.വി.രഞ്ചിത്ത് അറിയിച്ചു.
കണ്ണൂര് ജില്ലാ വാര്ത്തകള്ക്കായി കണ്ണൂർ വാർത്തകൾ ആൻഡ്രോയിഡ് ആപ്ലിക്കേഷൻ ഡൗൺലോഡ് ചെയ്യൂ. https://play.google.com/store/apps/details?id=com.kannur.varthakal