കണ്ണൂരിൽ മസ്തിഷ്കമരണം സംഭവിച്ച അധ്യാപിക മൂന്ന് പേര്‍ക്ക് പുതുജീവന്‍ നല്‍കി
കണ്ണൂര്‍ :തലച്ചോറിലെ രക്തസ്രാവത്തെ തുടര്‍ന്ന് മരണപെട്ട കണ്ണൂര്‍ പലയോട് സ്കൂളിലെ അദ്ധ്യാപിക സംഗീതയാണ് മരണാനന്തര അവയവദാനത്തിലൂടെ മൂന്ന് പേര്‍ക്ക് പുതുജീവന്‍ നല്കിയത്.
കഴിഞ്ഞ ദിവസം രാത്രി ശക്തമായ തലവേദന ഉണ്ടായതിനെ തുടര്‍ന്ന് തലശ്ശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ച സംഗീത ടീച്ചറെ ആരോഗ്യനില ഗുരുതരമായതിനെ തുടര്‍ന്നാണ് അടുത്ത ദിവസം കോഴിക്കോട് ആസ്റ്റര്‍ മിംസില്‍ എത്തിച്ചത്.
സാമൂഹികമായ ഇടപെടലുകളില്‍ സജീവമായിരുന്ന സംഗീത ടീച്ചര്‍ നേരത്തെ തന്നെ മരണാനന്തര അവയവദാനത്തിനുള്ള താല്‍പര്യം സഹപ്രവര്‍ത്തകരോടും കുടുംബത്തോടും പങ്കുവെച്ചിരുന്നു. അവയവദാനത്തിനുള്ള സാധ്യതകളെക്കുറിച്ച്‌ ആസ്റ്റര്‍ മിംസിലെ ഡോക്ടര്‍മാര്‍ കുടുംബത്തോട് സംസാരിക്കുകയും തുടര്‍ന്ന് കുടുംബം അവയവദാനത്തിന് തയ്യാറാവുകയുമായിരുന്നു.