വാട്ടർ ടാങ്കിൽ വീണ് ലോറി ഡ്രൈവർക്ക് ദാരുണാന്ത്യം
മട്ടന്നൂർ : ക്രഷറിലെ വാട്ടർ ടാങ്കിൽ വീണ് ലോറി ഡ്രൈവർക്ക് ദാരുണാന്ത്യം. കാപ്പാട് അരക്കിണർ സുഷമാലയത്തിൽ സുകേഷ് (47) ആണ് മരിച്ചത്. ശനിയാഴ്ച വൈകിട്ട് മൂന്ന് മണിയോടെ വെള്ളിയാംപറമ്പ് സമ്പത്ത് ക്രഷറിലാണ് സംഭവം.
ക്രഷറിലെ ലോറി ഡ്രൈവറായ സുകേഷ് വാട്ടർ ടാങ്കിൽ അബദ്ധത്തിൽ വീഴുക ആയിരുന്നു എന്നാണ് വിവരം. മട്ടന്നൂർ അഗ്നിരക്ഷാ സേനയെത്തി പുറത്ത് എടുത്തപ്പോഴേക്കും മരിച്ചിരുന്നു. മൃതദേഹം പോസ്റ്റ്മോർട്ടത്തിനായി കണ്ണൂർ ജില്ലാ ആശുപത്രിയിലേക്ക് മാറ്റി.
പരേതനായ ഗോവിന്ദൻ-രോഹിണി ദമ്പതികളുടെ മകനാണ്. ഭാര്യ രേഷ്മ. മക്കള്‍: സിദ്ധാര്‍ത്ഥ് (പോളിടെക്‌നിക്ക് രണ്ടാം വര്‍ഷ വിദ്യാര്‍ത്ഥി), ആറു മാസം പ്രായമായ പെണ്‍കുഞ്ഞുണ്ട്. സഹോദരി സുഷമ.
