പിടിച്ചെടുത്ത വാഹനങ്ങൾ വിട്ടു നൽകും; ഇരുചക്ര, മുച്ചക്ര വണ്ടികൾക്ക് 1000 രൂപ, കാറിന് 2000

തിരുവനന്തപുരം: ലോക്ക് ഡൗണ്‍ ലംഘനവുമായി ബന്ധപ്പെട്ട് പിടിച്ചെടുത്ത വാഹനങ്ങള്‍ വിട്ടുകൊടുക്കാന്‍ നിര്‍ദ്ദേശം. ജില്ലാ പൊലീസ് മേധാവിമാര്‍ക്ക് ഡിജിപി ലോക്‌നാഥ് ബെഹ്‌റയാണ് നിര്‍ദ്ദേശം നല്‍കിയത്. ഹൈക്കോടതി നിര്‍ദ്ദേശിച്ച തുക പിഴയീടാക്കി വാഹനങ്ങള്‍ വിട്ടുനല്‍കാനാണ് നിര്‍ദ്ദേശം.

ഇരുചക്ര, മുച്ചക്ര വാഹനങ്ങള്‍ക്ക് 1000 രൂപയാണ് പിഴ. കാര്‍, ജീപ്പ് എന്നിവയ്ക്ക് 2000 രൂപയാണ് ഹൈക്കോടതി നിശ്ചയിച്ചിരിക്കുന്ന പിഴത്തുക. സ്റ്റേറ്റ് ക്യാരേജ്, കോണ്‍ട്രാക്റ്റ് ക്യാരേജ് വാഹനങ്ങള്‍ക്ക് 4000രൂപയും ചരക്ക് വാഹനങ്ങള്‍ക്ക് 5000 രൂപയുമാണ് പിഴ.
വാഹനങ്ങൾ എപ്പോൾ വേണമെങ്കിലും ഹാജരാക്കാമെന്ന സമ്മതപത്രത്തിന് പുറമെ ആർ സി ബുക്ക്, ലൈസൻസ്, ഇൻഷുറൻസ് എന്നിവയുടെ പകർപ്പും ഹാജരാക്കണം.
സംസ്ഥാനത്ത് ലോക്ക്ഡൗണ്‍ ലംഘിച്ചതിനെ തുടര്‍ന്ന് വിവിധ ജില്ലകളിലായി ആയിരക്കണക്കിന് വാഹനങ്ങളാണ് പിടിച്ചെടുത്തത്.

Leave a Reply

This site uses Akismet to reduce spam. Learn how your comment data is processed.

error: Content is protected !!
%d bloggers like this: