യുവാവിനെ ആക്രമിച്ച രണ്ടു പേർക്കെതിരെ കേസ്
കാഞ്ഞങ്ങാട്. കഞ്ചാവ് വിൽപന ചെയ്യുന്നത് ചോർത്തിക്കൊടുത്തുവെന്ന വിരോധത്തിൽ യുവാവിനെ തടഞ്ഞു നിർത്തി ഇരുമ്പ് കട്ട കൊണ്ട് തലക്കടിച്ച രണ്ടു പേർക്കെതിരെ നരഹത്യാശ്രമത്തിന് ഹൊസ്ദുർഗ് പോലീസ് കേസെടുത്തു. ഹൊസ്ദുർഗ് ബല്ലാകടപ്പുറത്തെ മുഹമ്മദ് ഷാഫിയുടെ മകൻ ആബിദിൻ്റെ (24) പ രാതിയിലാണ് പ്രദേശവാസികളായസക്കറിയ, മുബഷീർ എന്നിവർക്കെതിരെ പോലീസ് കേസെടുത്തത്.ഇന്നലെ വൈകുന്നേരം 3.15 ഓടെ കുശാൽനഗർ നിത്യാനന്ദ പോളിടെക്നിക്കിന് സമീപം വെച്ചാണ് യുവാവിനെ കൈകൊണ്ട് അടിച്ചും ഇരുമ്പ് കട്ടക്കൊണ്ട് മർദ്ദിച്ചും പരിക്കേൽപ്പിച്ചത്. പരിക്കേറ്റ ആബിദ് ആശുപത്രിയിൽ ചികിത്സ തേടി.
