കോര്‍പ്പറേഷന്‍ മലിനജല സംസ്‌കരണ യൂണിറ്റ് തറക്കല്ലിടല്‍ ഇന്ന്

കണ്ണൂര്‍ കോര്‍പ്പറേഷന്‍ പരിധിയിലെ സമാജ്‌വാദി കോളനിയില്‍ നിര്‍മിക്കുന്ന മലിനജല സംസ്‌ക്കരണ യൂണിറ്റിന്റെ തറക്കല്ലിടല്‍ നവംബര്‍ 20 ശനിയാഴ്ച ഉച്ചക്ക് 12 മണിക്ക് മേയര്‍ അഡ്വ. ടി ഒ മോഹനന്‍ നിര്‍വഹിക്കും. ഡെപ്യൂട്ടി മേയര്‍ കെ ഷബീന അധ്യക്ഷത വഹിക്കും. സമാജ്‌വാദി കോളനിയിലെ വീടുകളിലെ കുടിവെള്ള സ്രോതസ്സുകള്‍ മലിനമാകുന്നതിന് ശാശ്വത പരിഹാരമായാണ് മലിനജല സംസ്‌കരണ യൂനിറ്റ് സ്ഥാപിക്കുന്നത്. 90 വീടുകളില്‍ നിന്നുള്ള മലിന ജലം ശുദ്ധീകരിക്കാന്‍ ഇതുവഴി സാധിക്കും. കേന്ദ്ര ധനകാര്യ കമ്മീഷന്റെ ടൈഡ് ഫണ്ടില്‍ നിന്നും ലഭിച്ച 50 ലക്ഷം രൂപ ചെലവിലാണ് പദ്ധതി നടപ്പാക്കുന്നത്. സ്‌ക്രീന്‍ കം സേവിങ് ചേംബര്‍, സെപ്റ്റിക് ടാങ്ക്, ഫില്‍ട്രേഷന്‍ യൂണിറ്റ്, സോക്ക് പിറ്റ് എന്നിവ ഉള്‍പ്പെടെയാണ് മാലിന്യ സംസ്‌കരണ യൂണിറ്റ് നിര്‍മിക്കുക.

Leave a Reply

This site uses Akismet to reduce spam. Learn how your comment data is processed.

%d bloggers like this: