വ്യാപാരി വ്യവസായി സമിതി ജില്ലാ സമ്മേളനംതുടങ്ങി
പയ്യന്നൂർ: കേരള സംസ്ഥാന വ്യാപാരി വ്യവസായി സമിതി ജില്ലാസമ്മേളനം പയ്യന്നൂരിൽ തുടങ്ങി. സമ്മേളനത്തിന് മുന്നോടിയായി പ്രകടനം നടന്നു. പൊതുസമ്മേളനം ടി.ഐ.മധുസൂദനൻ എം.എൽ.എ. ഉദ്ഘാടനം ചെയ്തു.
ജില്ലാ പ്രസിഡന്റ് വി.ഗോപിനാഥ് അധ്യക്ഷനായി. സി.ഐ.ടി.യു. ജില്ലാ സെക്രട്ടറി പി.വി.കുഞ്ഞപ്പൻ, വ്യാപാരി വ്യവസായി സമിതി സംസ്ഥാന ഖജാൻജി എസ്.ദിനേഷ്, സംസ്ഥാന ജോയിന്റ് സെക്രട്ടറി സി.കെ.വിജയൻ, സംസ്ഥാന വൈസ് പ്രസിഡന്റ് കെ.പങ്കജവല്ലി, ചാക്കോ മുല്ലപ്പള്ളി, ജില്ലാ സെക്രട്ടറി പി.എം.സുഗുണൻ എന്നിവർ സംസാരിച്ചു.
ഞായറാഴ്ച രാവിലെ 9.30-ന് കുറുംബ ഓഡിറ്റോറിയത്തിൽ പ്രതിനിധിസമ്മേളനം സംസ്ഥാന സെക്രട്ടറി ഇ.എസ്.ബിജു ഉദ്ഘാടനം ചെയ്യും.
ജില്ലയിലെ 26,000 അംഗങ്ങളെ പ്രതിനിധീകരിച്ച് 400 പ്രതിനിധികൾ സമ്മേളനത്തിൽ പങ്കെടുക്കും.