തളിപ്പറമ്പില്‍ ബി.ജെ.പി പ്രവർത്തകർക്കു നേരെ ബോംബേറുണ്ടായ സംഭവം പൊലീസ് വധശ്രമത്തിന് കേസെടുത്തു

തളിപ്പറമ്പ്: ബൈക്കിൽ യാത്ര ചെയ്യവേ ബി.ജെ.പി പ്രവർത്തകർക്കു നേരെ സ്റ്റീൽ ബോംബേറുണ്ടായ സംഭവത്തിൽ പൊലീസ് വധശ്രമത്തിന് കേസെടുത്തു. തൃച്ചംബരം വി.ഉമേഷ്(33),എം.ദാസൻ(52) എന്നിവർക്കാണ് കഴിഞ്ഞ ദിവസം രാത്രി പത്തോടെ മൂത്തേടത്ത് ഹൈസ്കൂളിന് പിറകിൽ വച്ച് ബോംബേറിൽ പരുക്കേറ്റത്.

കാലിന് പരുക്കേറ്റ ദാസനെ പരിയാരം മെഡിക്കൽ കോളജ് ആശുപത്രിയിലും തുടർന്ന് കണ്ണൂർ എകെജി ആശുപത്രിയിലും പ്രവേശിപ്പിച്ചാണ് ശസ്ത്രക്രിയയിലൂടെ കാലിൽ തറച്ച സ്റ്റീൽ ബോംബിന്റെ ചീളുകൾ നീക്കം ചെയ്യാൻ സാധിച്ചത്. നിസാര പരുക്കേറ്റ ഉമേഷിന് തളിപ്പറമ്പിലെ സ്വകാര്യ ആശുപത്രിയിൽ ചികിത്സ നൽകിയിരുന്നു.

ദാസന്റെ പരാതി പ്രകാരമാണ് പൊലീസ് കേസെടുത്തത്. ദാസന് സജീവ രാഷ്ട്രീയമില്ലെങ്കിലും ഉമേഷ് നേരത്തെ ബി.ജെ.പിയുടെ സജീവ പ്രവർത്തകനായിരുന്നു. ഉമേഷിന്റെ അനുജൻ രതീഷിനെ ഒന്നര വർഷം മുൻപ് ഇതേ സ്ഥലത്ത് വച്ച് ഒരു സംഘം ആളുകൾ രാത്രിയിൽ മാരകമായി വെട്ടിപരുക്കേൽപ്പിച്ചിരുന്നു. ഇതിലെ പ്രതികളെ ഇതുവരെ പിടികൂടാൻ സാധിച്ചിട്ടില്ല. രതീഷിന് വെട്ടേറ്റ അതേ സ്ഥലത്ത് വച്ചാണ് ഉമേഷിന് നേരെ ബോംമ്പേറുണ്ടായത്. ദാസൻ ഉമേഷിന്റെ ബൈക്കിന് പിറകിൽ സഞ്ചരിക്കുകയായിരുന്നു

Leave a Reply

This site uses Akismet to reduce spam. Learn how your comment data is processed.

%d bloggers like this: