ജസ്നയുടെ തിരോധാനം ; അന്വേഷണം അവസാനിപ്പിക്കാനൊരുങ്ങി ക്രൈം ബ്രാഞ്ച്
കോട്ടയം മുക്കൂട്ടുതറയില് നിന്ന് കാണാതായ ജെസ്നയെ കണ്ടെത്താനുള്ള അന്വേഷണം അവസാനിപ്പിക്കാനൊരുങ്ങി ക്രൈംബ്രാഞ്ച്. ആറു മാസം അന്വേഷിച്ചിട്ടും സൂചനയൊന്നുമില്ലാത്ത സാഹചര്യത്തിലാണ് ഫയല് മടക്കാന് നീക്കം നടത്തുന്നത്. ജെസ്ന ജീവിച്ചിരിപ്പുണ്ടോ എന്നുപോലും വ്യക്തമായ ഒരു സൂചനയും ലഭിക്കാത്ത സാഹചര്യത്തില് ഒരു സ്പഷല് ടീമിനെ മാറ്റിവയ്ക്കുന്നതില് അര്ഥമില്ലെന്നാണ് ക്രൈം ബ്രാഞ്ചിന്റെ അഭിപ്രായം. ഭാഗികമായ അന്വേഷണം സാധ്യതകളുടെ അടിസ്ഥാനത്തില് ഇപ്പോഴും നടത്തുന്നുണ്ടെന്നാണ് ക്രൈം ബ്രാഞ്ച് പറയുന്നത്.2018 മാര്ച്ച് 21നാണ് മുക്കൂട്ടുതറ കുന്നത്ത് ജയിംസിന്റെ മകളും കാഞ്ഞിരപ്പള്ളി സെന്റ് ഡൊമിനിക്സ് കോളജ് രണ്ടാം വര്ഷം ബികോം വിദ്യാര്ഥിനിയുമായിരുന്ന ജെസ്ന മരിയ ജയിംസിനെ കാണാതായത്.