കൊറോണ പ്രതിരോധം : കേരളാ – കർണ്ണാടക അതിർത്തിയിൽ പരിശോധന ശക്തമാക്കി

ഇരിട്ടി : കൊറോണ പ്രതിരോധ പ്രവർത്തനങ്ങളുടെ ഭാഗമായി കേരള കർണാടക അതിർത്തിയിൽ വിവിധ സർക്കാർ വകുപ്പുകളുടെ നേതൃത്വത്തിൽ സംയുക്ത പരിശോധന ആരംഭിച്ചു. രാത്രിയും പകലുമായി ശക്തമായ പരിശോധനയാണ് സർക്കാരിന്റെ പ്രത്യേക നിർദ്ദേശപ്രകാരം നടത്തിവരുന്നത്.

കിളിയന്തറ എക്സൈസ് ചെക് പോസ്റ്റിൽ വെച്ച് നടക്കുന്ന പരിശോധനയിൽ വള്ളിത്തോട് പ്രാഥമിക ആരോഗ്യ കേന്ദ്രത്തിലെ ഹെൽത്ത് ഇൻസ്‌പെക്ടർ സുരേഷ്, എക്സൈസ് ഇൻസ്‌പെക്ടർ കെ. സതീശൻ , പ്രിവെന്റിവ് ഓഫീസർ മാരായ പി.സി. വാസുദേവൻ, ടി. ആർ . രാജേഷ് എന്നിവർ നേതൃത്വം നൽകി. സിവിൽ എക്സൈസ് ഓഫീസർമാർ, ആരോഗ്യപ്രവർത്തകർ എന്നിവർ ഉൾപ്പെടുന്ന 10 അംഗ സംഘമാണ് ഇവിടെ ജാഗ്രത പുലർത്തുന്നത് .

പായം ഗ്രാമ പഞ്ചായത്ത്‌ പ്രസിഡണ്ട് എൻ. അശോകന്റെ നേതൃത്വത്തിൽ പഞ്ചായത്ത്‌ അധികൃതർ പരിശോധന കേന്ദ്രങ്ങൾ സന്ദർശിച്ച് സ്ഥിതിഗതികൾ വിലയിരുത്തി. ആദ്യ ഘട്ടത്തിൽ എക്സൈസ് തന്നെയാണ് പരിശോധന നടത്തിയതെങ്കിലും ഇത് ഫലവത്താകാത്തതിനെ തുടർന്നാണ് സംയുക്ത പരിശോധന ആരംഭിച്ചത്. കർണ്ണാടകയിൽ നിന്ന് വരുന്ന മുഴുവൻ വാഹന യാത്രക്കാരെയും തെർമ്മോമീറ്റർ ഉപയോഗിച്ച് പനി പരിശോധന നടത്തിയ ശേഷം മാത്രമേ അതിർത്തി കടത്തിവിടുന്നുള്ളൂ. സംശയകരമായ സാഹചര്യത്തിൽ ആരെയെങ്കിലും കണ്ടെത്തിയാൽ 108 ആംബുലസിന്റെ സേവനത്തോടെ നിരീക്ഷണ കേന്ദ്രത്തിലേക്ക് മാറ്റാനുള്ള സംവിധാനവും ഒരുക്കിയിട്ടുണ്ട്. നേതൃത്വം നൽകുന്ന ഉദ്യോഗർ ആവശ്യമായ മാസ്ക്, സിനിറ്റേസർ തുടങ്ങി സുരക്ഷ മുൻകരുതലോടെയാണ് പരിശോധന .

Leave a Reply

This site uses Akismet to reduce spam. Learn how your comment data is processed.

error: Content is protected !!
%d bloggers like this: