നരോത്ത് ദിലീപന്‍ വധകേസ് പോപ്പുലർ ഫ്രണ്ട് ജില്ലാ പ്രസിഡണ്ട്‌ ഉൾപ്പെടെ 9 പ്രതികൾ കുറ്റക്കാർ

സിപിഐ എം ചാവക്കാട് ബ്രാഞ്ച് സെക്രട്ടറിയായിരുന്ന നരോത്ത് ദിലീപനെ എന്‍ഡിഎഫുകാര്‍ കൊലപ്പെടുത്തിയ കേസിൽ 9 പ്രതികൾ കുറ്റക്കാരാണെന്ന് തലശ്ശേരി അഡീഷണല്‍ ഡിസ്ട്രിക് കോടതി (മൂന്ന്) കണ്ടെത്തി. 2008 ആഗസ്ത് 24 നായിരുന്നു കേസിനാസ്പദമായ സംഭവം. രാത്രി എട്ടരയോടെ സുഹൃത്തുക്കളോടൊപ്പം വീട്ടിലേക്ക് മടങ്ങുമ്പോഴാണ് ചാക്കാട് മുസ്ലീംപള്ളിയുടെ സമീപത്തെ സ്വകാര്യ വ്യക്തിയുടെ തെങ്ങിന്‍ തോട്ടത്തില്‍ പതിയിരുന്ന 16 ഓളം വരുന്ന എന്‍ഡിഎഫ് പ്രവര്‍ത്തകര്‍ മഴു ഉൾപ്പെടെയുള്ള മാരമായുധങ്ങളുമായി ആക്രമിച്ചത്. തലയ്ക്കും ദേഹമാസകലവും വെട്ടേറ്റ ദിലീപനെ വിവരമറിഞ്ഞ് സ്ഥലത്തെത്തിയ പൊലീസ് ജീപ്പില്‍ ഇരിട്ടി അമല ആശുപത്രിയിലും അവിടെ നിന്നും തലശ്ശേരി സഹകരണ ആശുപത്രിയിലേക്കും എത്തിച്ചെങ്കിലും ജീവന്‍ രക്ഷിക്കാനായില്ല. ആകെയുള്ള 16 പ്രതികളിൽ 7 പേരെ കുറ്റക്കാരല്ലെന്ന് കണ്ട് വെറുതെ വിട്ടു.

കുറ്റക്കാർ
1 – പി കെ ലത്തീഫ് ,
2 – യു കെ സിദ്ധീക്ക്,
3 – യു കെ ഫൈസൽ
4 – യു കെ ഉനൈസ്
5 – പുളിയിന്റകീഴിൽ ഫൈസൽ
7 വി മുഹമ്മദ് ബഷീർ (പോപ്പുലർ ഫ്രണ്ട് ജില്ലാ പ്രസിഡണ്ട്).
8 തണലോട്ട് യാക്കൂബ്
9 മുഹമ്മദ് ഫാറൂഖ്
14 – പാനേരി ഗഫൂർ.
എന്നിവർ കുറ്റക്കാരാണെന്ന് കോടതി കണ്ടെത്തി.
പ്രോസിക്യൂഷനുവേണ്ടി പബ്ലിക് പ്രോസിക്യൂട്ടര്‍ ബി പി ശശീന്ദ്രന്‍, അസിസ്റ്റന്റ് പബ്ലിക് പ്രോസിക്യൂട്ടര്‍ ജോഷി മാത്യൂ, അഡ്വ ജാഫര്‍ നല്ലൂര്‍ എന്നിവര്‍ ഹാജരായി.

Leave a Reply

This site uses Akismet to reduce spam. Learn how your comment data is processed.

%d bloggers like this: