വിദേശത്തുള്ള തങ്ങളുടെ വോട്ട് കള്ളവോട്ട് ചെയ്യാൻ സാധ്യതയുണ്ടെന്ന് കാട്ടി കണ്ണൂർ സ്വദേശികളായ പ്രവാസികൾ ഹൈക്കോടതിയിൽ

വോട്ടർ പട്ടികയിൽ പേരുണ്ട്; ഞങ്ങൾ വിദേശത്തുമാണ്; കള്ളവോട്ടിന് സാധ്യതയുണ്ടെന്ന് ഹൈക്കോടതിയിൽ പ്രവാസികൾ. അഡ്വ. എം മുഹമ്മദ് ഷാഫി മുഖേനയാണ് പ്രവാസി സംഘം ഹർജി നൽകിയത്. കേസ് ഈ ആഴ്ച തന്നെ കോടതി പരിഗണിക്കുമെന്നാണ് പ്രതീക്ഷ. പട്ടുവം പഞ്ചായത്തിലെ ഒന്നാം വാർഡിലെ 10 പ്രവാസികളും രണ്ടാം വാർഡിലെ 30 പേരും ഏഴാം വാർഡിലെ 27 പേരും പത്താം വാർഡിലെ 22 പേരും വാർഡ് 11ലെ 12 പേരും 12ാം വാർഡിലെ 11 പേരും 13ാം വാർഡിലെ നാലുപേരുമാണ് കോടതിയെ സമീപിച്ചത്. കഴിഞ്ഞ ലോക്‌സഭാ തെരഞ്ഞെടുപ്പിൽ ഉൾപ്പെടെ തങ്ങളുടെ വോട്ടുകൾ ആൾമാറാട്ടത്തിലൂടെ മറ്റാരോ ചെയ്തിട്ടുണ്ടെന്നും ഇത്തവണ ഇതിന് അനുവദിക്കരുതെന്നും ഹർജിയിൽ ആവശ്യപ്പെടുന്നു. യുഎഇ, കുവൈറ്റ്, സൗദി അറേബ്യ എന്നിവിടങ്ങളിലുള്ള പ്രവാസികൾ ജിസിസി പട്ടുവം പഞ്ചായത്ത് കെഎംസിസിയുടെയും വാട്‌സ്ആപ്പ് കൂട്ടായ്മകളുടെയും നേതൃത്വത്തിലാണ് ഹർജി നൽകിയത്.

Leave a Reply

This site uses Akismet to reduce spam. Learn how your comment data is processed.

%d bloggers like this: