കത്‌വ കേസില്‍ ആറ് പ്രതികള്‍ കുറ്റക്കാര്‍; ഒരാളെ വിട്ടയച്ചു

രാജ്യത്തെ കണ്ണീരിലാഴ്ത്തിയ കത്‌വ കൂട്ടബലാത്സംഗക്കേസില്‍ മുഖ്യപ്രതി സഞ്ജി റാം ഉള്‍പ്പെടെ ആറ് പ്രതികള്‍ കുറ്റക്കാരാണെന്ന് കോടതി കണ്ടെത്തി. ഒരാളെ കുറ്റക്കാരന്‍ അല്ലെന്ന് കണ്ടെത്തി വെറുതെവിട്ടു. മറ്റു പ്രതികളായ ദീപക് കജൂരിയ, സുരേന്ദര്‍ വര്‍മ എന്നീ പോലീസുകാരും ഹെഡ് കോണ്‍സ്റ്റബിള്‍ തിലാക് രാജും കുറ്റക്കാരാണെന്ന് കണ്ടെത്തിയിട്ടുണ്ട്. സഞ്ജി റാമിന്‍െറ മകന്‍ വിശാലിനെയാണ് വെറുതെവിട്ടത്. സംശയത്തിന്‍െറ ആനുകൂല്യത്തിലാണ് ഇയാളെ വെറുതെവിട്ടത്. പഠാന്‍കോട്ടിലെ വിചാരണ കോടതിയാണ് കേസില്‍ വിധി പറഞ്ഞത്.കേസില്‍ എട്ട് പ്രതികളാണുള്ളത്. ഇതില്‍ ഒരാള്‍ പ്രായപൂര്‍ത്തിയാകാത്തയാളാണ്. മറ്റു ഏഴ് പ്രതികളുടെ വിധിയാണ് കോടതി ഇന്ന് പ്രഖ്യാപിച്ചത്. പ്രതികള്‍ക്കുള്ള ശിക്ഷ ഉച്ചക്ക് ശേഷ പ്രഖ്യാപിച്ചേക്കും. അപൂര്‍വങ്ങളില്‍ അൂപര്‍വമായ കേസായി പരിഗണിച്ച്‌ പ്രതികള്‍ക്ക് വധശിക്ഷ നല്‍കണമെന്ന് പ്രോസിക്യൂഷന്‍ കോടതിയില്‍ ആവശ്യപ്പെടും.

1 thought on “കത്‌വ കേസില്‍ ആറ് പ്രതികള്‍ കുറ്റക്കാര്‍; ഒരാളെ വിട്ടയച്ചു

Leave a Reply

This site uses Akismet to reduce spam. Learn how your comment data is processed.

%d bloggers like this: