കണ്ണനെ കാണാൻ പ്രധാനമന്ത്രി നരേന്ദ്രമോദിയെത്തിയത് തനി കേരളീയനായി

ഇന്ത്യൻ പ്രധാനമന്ത്രിയായി രണ്ടാംവട്ടവും അധികാരമേറ്റ നരേന്ദ്രമോദി ഗുരുവായൂരെത്തി കണ്ണനെ കൺനിറയെ കണ്ട് തൊഴുതു. കൊച്ചിയിൽ നിന്ന് ശ്രീകൃഷ്ണ കോളേജിലെ ഹെലിപാഡിലാണ് തനി മലയാളിയായി മുണ്ടും ഷർട്ടും അണിഞ്ഞ് നരേന്ദ്ര മോദി വന്നിറങ്ങിയത്. ഉദ്യോഗസ്ഥരും ദേവസ്വം മന്ത്രി കടകംപള്ളി സുരേന്ദ്രനും കേന്ദ്ര മന്ത്രി വി.മുരളീധരനുമടക്കമുള്ള നേതാക്കൾ പ്രധാനമന്ത്രിയെ സ്വീകരിച്ചു. ശ്രീവത്സം ഗസ്റ്റ് ഹൗസിൽ അൽപ്പനേരം വിശ്രമിച്ച ശേഷം സാധാരണക്കാരനെ പോലെ കാൽനടയായാണ് മോദി തിരുനടയിൽ എത്തിയത്. തുടർന്ന് ക്ഷേത്രം ഭാരവാഹികൾ നൽകിയ പൂർണ്ണ കുംഭം സ്വീകരിച്ച് നാലമ്പലത്തിലേക്ക് പ്രവേശിച്ചു. ക്ഷേത്രത്തിൽ 111 കിലോ താമരപ്പൂക്കൾ കൊണ്ട് തുലാഭാരം നടത്തിയ പ്രധാനമന്ത്രി ക്ഷേത്രത്തിലെ വഴിപാടുകളും കഴിപ്പിച്ചു. പ്രധാനമന്ത്രിയെ ഒന്നു കാണാനായി നിരവധിയാളുകളാണ് ക്ഷേത്രത്തിലെത്തിയത്. ഗസ്റ്റ്ഹൗസ് മുതൽ ക്ഷേത്രം വരെയും ഒപ്പം തന്നെ സമീപ പ്രദേശങ്ങളും കർശന നിരീക്ഷണത്തിലായിരുന്നു.

Leave a Reply

This site uses Akismet to reduce spam. Learn how your comment data is processed.

%d bloggers like this: