പി.കെ.കുഞ്ഞാലിക്കുട്ടി മുസ്‍ലിം ലീഗ് നിയമസഭാകക്ഷി നേതാവ്

പി.കെ കുഞ്ഞാലിക്കുട്ടിയെ മുസ്ലിം ലീഗ്​ പാർലമെൻററി പാർട്ടി നേതാവായി തെരഞ്ഞെടുത്തു. ഡോ. എം.കെ മുനീറാണ്​ ഉപ നേതാവ്​. പാണക്കാട്​ ഹൈദരലി തങ്ങളുടെ നേതൃത്വത്തിൽ മലപ്പുറം ലീഗ്​ ഹൗസിൽ ചേർന്ന ഉന്നതാധികാര സമിതി​ യോഗത്തിലാണ്​ തീരുമാനം.

തെരഞ്ഞെടുപ്പ്​ ഫലം സൂക്ഷ്​മമായി വിലയിരുത്തുമെന്ന്​ ഹൈദരലി തങ്ങൾ അറിയിച്ചു. യോഗത്തിന്​ ശേഷം മാധ്യമ പ്രവർത്തകരോട്​ സംസാരിക്കുകയായിരുന്നു അദ്ദേഹം.

ഇടതു തരംഗത്തിനിടയിലും പാർട്ടിക്ക്​ കാര്യമായ തിരിച്ചടിയേറ്റിട്ടില്ലെന്ന വിലയിരുത്തലിലാണ്​ നേതൃത്വം. മഞ്ചേശ്വരത്ത്​ ബി.ജെ.പിയുടെ വരവിന്​ തടയിടാനായത്​ നേട്ടമാണെന്നും ഏഴ്​ മണ്ഡലങ്ങളിൽ ഭൂരിപക്ഷം വർധിപ്പിക്കാനായെന്നും ഇ.ടി മുഹമ്മദ്​ ബഷീർ എം.പി പറഞ്ഞു. താനൂരിൽ തോറ്റെങ്കിലും ഇടത്​ എം.എൽ.എയുടെ ഭൂരിപക്ഷം കുറക്കാനായി. ജില്ലക്ക്​ പുറത്ത്​ മൂന്നു മണ്ഡലങ്ങളിൽ തോറ്റു. കുറ്റ്യാടിയിൽ നേരിയ ഭൂരിപക്ഷത്തിനാണ്​ സീറ്റ്​ നഷ്​ടമായത്​.

അതേസമയം, കൊടുവള്ളിയിൽ സീറ്റ്​ തിരിച്ചു പിടിച്ചു. കാസർകോട്ട്​ 5000 വോട്ടി​െൻറ ഭൂരിപക്ഷം വർധിച്ചു. തവനൂരിൽ ഭൂരിപക്ഷം കുറക്കാനായി. ലീഗിന്​ ക്ഷതമേറ്റെന്ന രീതിയിലുള്ള പ്രചാരണം തെറ്റാണ്​. പാർട്ടിയെന്ന നിലയിലും മുന്നണിയെന്ന നിലയിലുമുണ്ടായ വീഴ്​ചകൾ പരിശോധിക്കും.

ബി.ജെ.പി വോട്ടിൽ നല്ലൊരു ശതമാനം സി.പി.എമ്മിന്​ പോയിട്ടുണ്ടെന്നും ഇ.ടി മുഹമ്മദ്​ ബഷീർ പറഞ്ഞു. പി.കെ കുഞ്ഞാലിക്കുട്ടി, സാദിഖലി ശിഹാബ്​ തങ്ങൾ, കെ.പി.എ മജീദ്​, പാർട്ടി എം.എൽ.എമാർ തുടങ്ങിയവർ യോഗത്തിൽ പ​ങ്കെടുത്തു.

Leave a Reply

This site uses Akismet to reduce spam. Learn how your comment data is processed.

error: Content is protected !!
%d bloggers like this: