മയക്കുമരുന്ന് സംഘത്തിലെ രണ്ടു പേർ അറസ്റ്റിൽ

മഞ്ചേശ്വരം .മയക്കുമരുന്ന് വില്പനക്കാർക്ക് മാരക ലഹരിമരുന്നായഎം.ഡി.എം.എ.എത്തിച്ചു നൽകുന്ന സംഘത്തിലെ കർണ്ണാടക സ്വദേശികളായ രണ്ടു പേരെ പോലീസ് അറസ്റ്റ് ചെയ്തു.മംഗലാപുരത്തെ ഫ്ലാറ്റ് കേന്ദ്രീകരിച്ച് കാസറഗോഡ് ജില്ലയിൽമയക്കുമരുന്ന് എത്തിച്ചു നൽകുന്ന സംഘത്തിലെ പ്രധാന കണ്ണികളായ മംഗലാപുരം ബങ്കര കസബയിൽ താമസിക്കുന്ന അഹമ്മദ് മൻസിലിൽ മുഹമ്മദ് നൗഫൽ (33), തലപ്പാടി നരളപ്പാടിയിൽ ആയിഷ മൻസിലിൽ താമസിക്കുന്ന കെ.ബി. ഫൈസൽ (26) എന്നിവരെയാണ് സ്റ്റേഷൻ പോലീസ് ഇൻസ്പെക്ടർ എ.സന്തോഷ് കുമാറും സംഘവും അറസ്റ്റ് ചെയ്തത്.ഇക്കഴിഞ്ഞ നവമ്പർ 28 ന് രാത്രി ഉപ്പളമണ്ണും കുഴി സ്റ്റേഡിയത്തിന് സമീപം വെച്ച് വൻ എം.ഡി.എം.എ.ശേഖരം പോലീസ് പിടികൂടിയിരുന്നു.സംഭവ സ്ഥലത്ത് നിന്നും മൂന്ന് പേരെ പോലീസ് പിടികൂടിയിരുന്നു.. ഇവരെ ചോദ്യം ചെയ്തപ്പോഴാണ് മയക്കുമരുന്ന് വിതരണം ചെയ്യുന്ന പ്രതികളെ കുറിച്ച് വിവരം ലഭിച്ചത്.ഒളിവിൽ കഴിയുകയായിരുന്ന പ്രതികളെ പോലീസ് അറസ്റ്റ് ചെയ്യുകയായിരുന്നു.