പതിനഞ്ചു കുപ്പി വിദേശ മദ്യവുമായി ശിവപുരം സ്വദേശിയെ പേരാവൂർ എക്സൈസ് പിടികൂടി

പേരാവൂർ: പതിനഞ്ചു കുപ്പി ഇന്ത്യൻ നിർമ്മിത വിദേശ മദ്യം കൈവശം വച്ചതിന് ശിവപുരം കാഞ്ഞിരോട് സ്വദേശിയെ പേരാവൂർ എക്സൈസ് പിടികൂടി.

കാഞ്ഞിരോട് സ്വദേശി പൂവ്വംപൊയിൽ ശ്രീനിലയത്തിൽ വീട്ടിൽ അനീഷ്.വി (41) നെയാണ് പേരാവൂർ പഴയ സ്റ്റാന്റിൽ വച്ച് പതിനഞ്ചു കുപ്പി (7.500 ലിറ്റർ) ഇന്ത്യൻ നിർമ്മിത വിദേശമദ്യവുമായി പിടികൂടിയത്. തദ്ദേശ തിരഞ്ഞെടുപ്പ് – ക്രിസ്തുമസ് – ന്യൂ ഇയർ സ്പെഷ്യൽ എൻഫോഴ്സ്മെന്റ് ഡ്രൈവിന്റെ ഭാഗമായി നടത്തിയ റെയ്ഡിലാണ് ഇയാൾ പിടിയിലായത്.

പ്രിവന്റീവ് ഓഫീസർ എം.പി.സജീവന്റെ നേതൃത്വത്തിൽ നടന്ന റെയ്ഡിൽ, ഗ്രേഡ് പ്രിവന്റീവ് ഓഫീസർ ഇ.സി.ദിനേശൻ, സിവിൽ എക്സൈസ് ഓഫീസർമാരായ സി.എം.ജയിംസ്, കെ.എ.മജീദ്, കെ.എ.ഉണ്ണിക്കൃഷ്ണൻ, പി.എസ്.ശിവദാസൻ, എന്നിവർ പങ്കെടുത്തു.